Question

BB三個月大，由個半月開始飲奶之前都會喊，但俾完奶咀安撫完一輪又飲晒支奶。試過換奶樽，吉大奶咀都唔得。有咩方法令佢唔喊？

Answer 1

BB喊係情緒表達嘅一種方式，唔知你用邊種奶嘴，一般黎講，三個月大嘅BB,吸吮能力同力度會進入第二階段，如需要换奶嘴或拮大D時，需要俾多少少時間BB適應，等BB可以調整吸吮嘅力度，如果BB太肚餓或者用返之前用開嘅力度，就會因為吸得太大力而吞唔切濁親而發脾氣。解決方法1.不要等到BB太肚餓時就俾奶佢。2.等BB吸二至三下就掹個奶嘴出黎二秒又塞返去，如此重複。每一個BB都係唔同嘅，都有自已嘅個性，耐心多嘗試。